കേരള പുരസ്കാരങ്ങൾ പ്രഖ്യാപിച്ചു
തിരുവനന്തപുരം:
സംസ്ഥാന സർക്കാരിന്റെ പരമോന്നത പുരസ്കാരമായ കേരള പുരസ്കാരങ്ങൾ കേരളപ്പിറവി ദിനത്തിൽ പ്രഖ്യാപിച്ചു. അധ്യാപകനും എഴുത്തുകാരനുമായ എം കെ സാനുവിനാണ് കേരള ജ്യോതി പുരസ്കാരം. ഐ ഐഎസ്ആർഒ ചെയർമാൻ ഡോ. സോമനാഥ് ( സയൻസ് & എഞ്ചിനീയറിങ്), ഭുവനേശ്വരി (കൃഷി) എന്നിവർക്കാണ് കേരള പ്രഭ പുരസ്കാരം. കലാമണ്ഡലം വിമലാ മേനോൻ (കല), ഡോ.ടി കെ ജയകുമാർ (ആ രോഗ്യം), നാരായണ ഭട്ടതിരി (കലിഗ്രഫി),സഞ്ജു സാംസൺ (കായികം ),ഷൈജ ബേബി ( സാമൂഹ്യ സേവനം,ആശാ വർക്കർ), വി കെ മാത്യൂസ് (വ്യവസായ വാണിജ്യം)എന്നിവർ കേരള ശ്രീ പുരസ്കാരത്തിന് അർഹരായി. ദ്വിതീയ പരിശോധനാ സമിതി സമർപ്പിച്ച ശുപാർശ അടൂർ ഗോപാലകൃഷ്ണൻ, കെ ജയകുമാർ, ഡോ.ബി ഇക്ബാൽ എന്നിവരടങ്ങുന്ന സമിതി പരിശോധിച്ചാണ് സർക്കാരിന് നാമനിർദ്ദേശം നൽകിയത്.
