രാഹുൽ ഏറ്റവും വലിയ രാഷ്ട്രീയ ഭീരു:കെ. സുരേന്ദ്രൻ

കോഴിക്കോട് :

റായ്ബേറെലിയിൽ സ്ഥാനാർത്ഥി ആയതോടെ രാഹുൽ ഗാന്ധി രാഷ്ട്രീയത്തിൽ വലിയ ഭീരുവാണെന്ന് തെളിയിച്ചിരിക്കുകയാണെന്ന് ബി ജെ പിസംസ്ഥാന അധ്യക്ഷൻ കെ. സുരേന്ദ്രൻ അഭിപ്രായംപ്പെട്ടു.കഴിഞ്ഞ തവണ യു പി യിൽ കോൺഗ്രസ്‌ ജയിച്ച ഏക മണ്ഡലമായ റായ്ബെറേലിയിൽ മത്സരിക്കാൻ തീരുമാനിച്ചതോടെ രാഹുൽ എങ്ങനെയുള്ള ആളാണെന്ന് എല്ലാവർക്കും ബോധ്യമായതായി സുരേന്ദ്രൻ പറഞ്ഞു.അമേദിയിലാണ് മത്സരിച്ചിരുന്നുവെങ്കിൽ സീറ്റ് തിരിച്ചു പിടിക്കാനാണെന്നെങ്കിലും പറയാമായിരുന്നു.ഇതോടെ വയനാട്ടിലെയും കേരളത്തിലെയും വോട്ടർമാരെ രാഹുൽ വഞ്ചിക്കുകയാണെന്ന ബി ജെ പി യുടെ ആരോപണം ശരിയാണെന്ന് തെളിഞ്ഞിരിക്കുകയാണെന്നും അദ്ദേഹം പറഞ്ഞു.വയനാട് തന്റെ കുടുംബമാണെന്ന് പറഞ്ഞ രാഹുൽ ഇപ്പോൾ തന്റെ കുടുംബത്തെ വഞ്ചിച്ചിരിക്കുകയാണെന്ന് അദ്ദേഹം പറഞ്ഞു.കേരളത്തിലെ തിരഞ്ഞെടുപ്പിന് മുൻപ് തന്റെ രണ്ടാം മണ്ഡലം ഏതെന്നു വെളിപ്പെടുത്തണമെന്ന് ബി ജെ പി ആവശ്യപ്പെട്ടിരുന്നു.എന്നാൽ രാഹുൽ കേരളത്തിലെ ഇലക്ഷൻ കഴിയും വരെ രണ്ടാമതൊരു മണ്ഡലത്തിന്റെ കാര്യം മറച്ചുവച്ചുവെന്നും അങ്ങനെ സ്ഥിരം വോട്ടർമാരെ വഞ്ചിക്കുന്ന പരിപാടി തുടരുകയാണെന്നും പറഞ്ഞു.മുസ്ലിംലീഗ് ചെയ്ത ഉപകാരത്തിന് പ്രത്യുപകാരം രാഹുൽ ചെയ്തുകഴിഞ്ഞു.