വോയേജർ 1 ഭൂമിയുമായി ബന്ധം പുന:സ്ഥാപിച്ചു
വാഷിങ്‌ടൺ:
43വർഷമായി ഉപയോഗത്തിലില്ലാത്ത റേഡിയോ ട്രാൻസ്മിറ്റർ രക്ഷകനായതോടെ വോയേജർ 1 ബഹിരാകാശ പേടകം ഭൂമിയുമായുള്ള ബന്ധം പുന:സ്ഥാപിച്ചു. 1500 കോടി മൈൽ അകലെ ഇന്റർസ്റ്റെല്ലാർ സ്പേയ്സിൽ സഞ്ചരിക്കുന്ന പേടകവുമായുള്ള ആശയവിനിമയം ഒക്ടോബർ 16ന് നിലച്ചിരുന്നു. പേടകത്തിലെ ട്രാൻസ് മീറ്ററുകളിലൊന്ന് പ്രവർത്തന രഹിതമായതിനെ തുടർന്നായിരുന്നു ഇത്. 1981മുതൽ ഉപയോഗത്തിലല്ലാതിരുന്ന റേഡിയോ ട്രാൻസ്മിറ്ററിന്റെ സഹായത്തോടെ കാലിഫോർണിയ ജെറ്റ് പ്രൊപ്പൽഷൻ ലബോറട്ടറിയിലെ നാസ ബഹിരാകാശ പേടകവുമായുള്ള ബന്ധം പുന:സ്ഥാപിച്ചതു്.
