ഓപ്പറേഷൻ പി ഹണ്ടിൽ 351 പേർ അറസ്റ്റിലായി
തിരുവനന്തപുരം:
കുട്ടികൾക്കെതിരെയുള്ള ലൈംഗിക അതിക്രമങ്ങൾ ഇല്ലാതാക്കാനുള്ള നടപടി ശക്തമാക്കി സർക്കാർ.കുട്ടികൾക്കെതിരായ സൈബർ അതിക്രമങ്ങൾ തടയാനുള്ള പി- ഹണ്ട് ഓപ്പറേഷനിലൂടെ 351 പേരെ അറസ്റ്റ് ചെയ്തെന്ന് മുഖ്യമന്ത്രി പിണറായി വിജയൻ നിയമസഭയെ അറിയിച്ചു. 6426ഇടങ്ങളിൽ സ്ത്രീകളുടെയും കുട്ടികളുടെയും സുരക്ഷ ഉറപ്പാക്കാൻ 1996 അധ്യാപകർക്ക് പരിശീലനം നൽകി. സൈബർ സാമ്പത്തിക തട്ടിപ്പുകൾ റിപ്പോർട്ട് ചെയ്യാൻ 24 മണിക്കൂറും പ്രവർത്തിക്കുന്ന 1930 എന്ന ഹെൽപ്പ് ലൈൻ നമ്പർപ്രവർത്തിക്കുന്നതായും മുഖ്യമന്ത്രി ചോദ്യോത്തര വേളയിൽ പറഞ്ഞു.
