ചെന്നൈ നഗരം വെള്ളത്തിൽ മുങ്ങി

ചെന്നൈ:
മിഗ്ജാമ് തീവ്ര ചുഴലിക്കാറ്റ് മൂലം ചെന്നൈ നഗരം വെള്ളത്തിലായി. വൈദ്യുതി, ടെലഫോൺ, ഇന്റർനെറ്റ് സംവിധാനം താറുമാറായി.റൺവേയിൽ വെള്ളം കയറിയതോടെ 33 വിമാനങ്ങൾ വഴി തിരിച്ചു വിട്ടു. 200 ളം ട്രെയിൻ സർവ്വീസുകൾ റദ്ദു ചെയ്തു. ചെന്നൈ, ചെങ്കൽപെട്ട്, കാഞ്ചീപുരം, തിരുവള്ളൂർ ജില്ലകൾക്ക് അവധി നൽകി.
മിഗ്ജാമ് ചുഴലിക്കാറ്റ് ആന്ധ്ര തീരത്തേക്ക് നീങ്ങുകയാണെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകി. മണിക്കുറിൽ 85 മുതൽ 166 കിലോമീറ്റർ വേഗതയിൽ കാറ്റ് വീശാനിടയുണ്ട്. 24 മണിക്കൂറിനുള്ളിൽ ചെന്നൈയിലുള്ള പല ഭാഗങ്ങളിലും കനത്ത മഴ പെയ്തു. മറീന ബീച്ചിൽ സന്ദർശകരെ നിരോധിച്ചിരിക്കുകയാണ്.