ദേവസ്വം ബോർഡ് നിയമനം: കെ. ജയകുമാറിനെതിരെ ഹർജി, കോടതി നോട്ടീസ് അയച്ചു

കൊച്ചി —

തിരുവിതാംകൂർ ദേവസ്വം ബോർഡ് പ്രസിഡന്റായി മുൻ ചീഫ് സെക്രട്ടറി കെ. ജയകുമാറിനെ നിയമിച്ച നടപടി ചോദ്യം ചെയ്ത് ഹർജി. മുതിർന്ന ഐഎഎസ് ഉദ്യോഗസ്ഥനായ ബി. അശോക് ആണ് ജയകുമാറിനെ അയോഗ്യനാക്കണമെന്ന് ആവശ്യപ്പെട്ട് തിരുവനന്തപുരം ജില്ലാ കോടതിയിൽ ഹർജി നൽകിയത്.

സർക്കാർ പദവിയിൽ ഇരിക്കെ ദേവസ്വം ബോർഡ് പ്രസിഡന്റായത് ചട്ടവിരുദ്ധമാണെന്നാണ് ഹർജിയിലെ പ്രധാന ആരോപണം. ഇൻസ്റ്റിറ്റ്യൂട്ട് ഓഫ് മാനേജ്മെൻ്റ് ഇൻ ഗവൺമെൻ്റ് (ഐഎംജി) ഡയറക്ടർ സ്ഥാനത്ത് ഇരിക്കെയാണ് കെ. ജയകുമാറിനെ ദേവസ്വം ബോർഡ് പ്രസിഡന്റായി സർക്കാർ നിയമിച്ചത്.

ബി. അശോകിന്റെ ഹർജി കോടതി ഫയലിൽ സ്വീകരിച്ചു. തുടർന്ന് ഹർജിയിൽ കെ. ജയകുമാറിനും ദേവസ്വം സെക്രട്ടറിക്കും കോടതി നോട്ടീസ് അയച്ചു.