എം ടിയുടെ വീട്ടിലെ മോഷ്ടാക്കളെ പിടികൂടി

കോഴിക്കോട്:
എം ടി വാസുദേവൻ നായരുടെ വീട്ടിൽനിന്ന് സ്വർണം മോഷ്ടിച്ചവർ പിടിയിലായി. വീട്ടിലെ പാചകക്കാരി കരുവിശേരി ശാന്ത (48), ഇവരുടെ അകന്ന ബന്ധു വട്ടോളിസ്വദേശി പ്രകാശൻ (44) എന്നിവരെയാണ് നടക്കാവ് എസ് എച്ച് ഒ എൻ പ്രജീഷും,ടൗൺ അസി.കമീഷണർ ടി കെ അഷ്‌റഫിന്റെ നേതൃത്വത്തിലുള്ള സിറ്റി ക്രൈം സ്ക്വാഡും ചേർന്ന് 24 മണിക്കൂറിനുള്ളിൽ പിടികൂടിയത്. അലമാരയുടെ ലോക്കറിലെ 26 പവൻ ആഭരണങ്ങൾ, വജ്രം പതിപ്പിച്ച കമ്മൽ , മരതകം പതിപ്പിച്ച ലോക്കറ്റ് തുടങ്ങിയ 15 ക്ഷത്തോളംരുപ വിലയുള്ള ആഭരണങ്ങളാണ് മോഷ്ടിച്ചത്. മൊഴിയെടുക്കുന്നതിനിടെ ശാന്തയുടെ പെരുമാറ്റത്തിൽ അസ്വാഭാവികത തോന്നിയ പൊലീസിന്റെ തുടരന്വേഷണത്തിലാണ് കേസിന്റെ ചുരുളഴിഞ്ഞത്.പ്രകാശിനെ കസ്റ്റഡിയിലെടുത്ത് ചോദ്യം ചെയ്തപ്പോൾ മോഷ്ടിച്ച സ്വർണം കോഴിക്കോട് കമ്മത്ത് ലെയിനിലെ ജ്വല്ലറിയിൽ വിറ്റതായി സമ്മതിച്ചു.