ധനുഷ് ചിത്രം രായൻ 100 -കോടി ക്ലബ്ബിലേക്ക്
ധനുഷ് സംവിധാനം ചെയ്ത് നായകനായി എത്തിയ ചിത്രമാണ് രായൻ. ചിത്രം രണ്ടാം വാരത്തിലേക്ക് കടക്കുമ്പോൾ ഇന്ത്യൻ ബോക്സ് ഓഫീസിൽ 100 കോടി നേടിയിട്ടുണ്ട് എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. രായൻ ആഗോളതലത്തില്‍ 131 കോടി രൂപയിലധികം നേടിയിട്ടുണ്ട്.തമിഴ്‍നാട്ടില്‍ ധനുഷിന്റെ തിരുച്ചിദ്രമ്പലത്തിന്റെ ലൈഫ്ടൈം കളക്ഷൻ രായൻ മറികടന്നിരിക്കുകയാണ്.
രായൻ എന്ന ടൈറ്റില്‍ കഥാപാത്രത്തെ അവതരിപ്പിച്ച് പ്രേക്ഷകരെ അക്ഷരാര്‍ഥത്തില്‍ ഞെട്ടിച്ചിരിക്കുകയാണ് ധനുഷ്.ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത് ഓം പ്രകാശാണ്, സംഗീത നൽകിയിരിക്കുന്നത് എ ആര്‍ റഹ്‍മാനാണ്.മലയാളത്തില്‍ നിന്ന് അപര്‍ണയ്‍ക്ക് പുറമേ ചിത്രത്തില്‍ നിത്യ മേനൻ, കാളിദാസ് ജയറാം എന്നിവരുമുണ്ട് .
