BSNL | ദിവസവും 3 ജിബി ഡാറ്റ നൽകുന്ന ബിഎസ്എൻഎൽ പ്രീപെയ്ഡ് പ്ലാനുകൾ

പൊതുമേഖലാ ടെലിക്കോം കമ്പനിയായ ബിഎസ്എൻഎൽ (BSNL) ഉപയോക്താക്കൾക്ക് ആകർഷകമായ പ്ലാനുകൾ നൽകുന്നുണ്ട്. കുറഞ്ഞ വിലയിൽ പോലും മികച്ച ആനുകൂല്യങ്ങൾ നൽകുന്ന പ്ലാനുകളാണ് കമ്പനിക്കുള്ളത്. ജിയോ, എയർടെൽ, വോഡാഫോൺ ഐഡിയ എന്നിവ നൽകുന്ന പ്ലാനുകളുമായി താരതമ്യം ചെയ്യുമ്പോൾ വളരെ കുറഞ്ഞ നിരക്കിലാണ് ബിഎസ്എൻഎൽ പ്ലാനുകൾ ലഭ്യമാകുന്നത്. കൂടുതൽ ഡാറ്റ ആവശ്യമുള്ള ആളുകൾക്കായി ദിവസവും 3 ജിബി ഡാറ്റ നൽകുന്ന പ്ലാനുകളും കമ്പനി നൽകുന്നു.

299 രൂപ, 599 രൂപ നിരക്കുകളിലാണ് ബിഎസ്എൻഎൽ 3 ജിബി ഡാറ്റ നൽകുന്ന പ്ലാനുകൾ ലഭ്യമാകുന്നത്. ഈ പ്ലാനുകൾ തമ്മിൽ വാലിഡിറ്റി കാലയളവിന്റെ കാര്യത്തിലാണ് പ്രധാന മാറ്റം. രണ്ട് പ്ലാനുകളും മികച്ച അധിക ആനുകൂല്യങ്ങളും നൽകുന്നുണ്ട്. വീഡിയോ സ്ട്രീമിങ്, വർക്ക് ഫ്രം ഹോം, ഓൺലൈൻ ഗെയിമിങ് എന്നിവയ്ക്കായി മൊബൈൽ ഡാറ്റ ഉപയോഗിക്കുന്നവർക്ക് ഈ പ്ലാനുകൾ മികച്ച ചോയിസായിരിക്കും. ബിഎസ്എൻഎൽ 4ജി നെറ്റ്വർക്ക് ലഭ്യമാകുന്ന ഇടങ്ങളിലെ ആളുകൾക്ക് ഈ പ്ലാൻ തിരഞ്ഞെടുക്കാം.