ശബരിമല അപ്പാച്ചിമേട്ടിൽ തമിഴ് പെൺകുട്ടി കുഴഞ്ഞ് വീണ് മരിച്ചു.

ശബരിമല അപ്പാച്ചിമേട്ടിൽ പതിനൊന്നുവയസുകാരിയായ തമിഴ് പെൺകുട്ടി കുഴഞ്ഞ് വീണ് മരിച്ചു. പമ്പയിൽ നിന്ന് ഉച്ചയോടുകൂടിയാണ് പെൺകുട്ടി കുടുംബാം​ഗങ്ങൾക്കൊപ്പം മലചവിട്ടാൻ ആരംഭിച്ചത്. അപ്പാച്ചിമേട്ടിലെത്തിയപ്പോൾ കുട്ടി കുഴഞ്ഞുവീഴുകയായിരുന്നു.
കുട്ടിയ്ക്ക് നേരത്തെ ഹൃദയസംബന്ധമായ അസുഖങ്ങൾ ഉണ്ടെന്നാണ് പൊലീസ് പറയുന്നത്. പമ്പാ ജനറൽ ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്. തമിഴ്‌നാട്ടിലെ സേലം സ്വദേശികളായായ കുമാരന്റെയും ജയലക്ഷ്മിയുടെയും മകളായ പദ്മശ്രീയാണ് മരിച്ചത്.