ചീഫ് ജസ്റ്റിസായി സഞ്ജീവ് ഖന്ന ഇന്ന് ചുമതലയേൽക്കും
ന്യൂഡൽഹി:
സുപ്രീംകോടതിയുടെ 51-ാമത് ചീഫ് ജസ്റ്റിസായി സഞ്ജീവ് ഖന്ന ഇന്ന് ചുമതലയേൽക്കും. രാട്രപതി ഭവനിൽ രാവിലെ 10 ന് രാഷ്ട്രപതി ദ്രൗപതി മുർമു സത്യവാചകം ചൊല്ലിക്കൊടുക്കും. 2025 മേയ് 13 വരെ അദ്ദേഹത്തിന് കാലാവധിയുണ്ട്. നിലവിലെ ചീഫ് ജസ്റ്റിസ് ഡി വൈ ചന്ദ്രചൂഡ് ഞായറാഴ്ച വിരമിച്ചു. 1983 ൽ അഭിഭാഷകനായി എൻറോൾ ചെയ്ത ജസ്റ്റിസ് സഞ്ജീവ് ഖന്ന 2019 ജനുവരിയിലാണ് സുപ്രീംകോടതി ജഡ്‌ജിയായത്. ദീർഘകാലം ആദായ നികുതി വകുപ്പിന്റെ സ്റ്റാൻഡിങ് കോൺസലായിരുന്നു. 2005 ൽ ഡൽഹി ഹൈക്കോടതി അഡീഷണൽ ജഡ്ജിയായി. 2006 ൽ സ്ഥിരം ജഡ്ജിയായി.
