തമിഴ്‌നാട്ടിലെ ആവഡിയിൽവിഷവാതകം ശ്വസിച്ച് യുവാവ് മരിച്ചു
തമിഴ്‌നാട്ടിലെ ആവഡിയിൽ അഴുക്കുചാൽ വൃത്തിയാക്കുന്നതിനിടെ വിഷവാതകം ശ്വസിച്ച് 25 കാരനായ ശുചീകരണ തൊഴിലാളി മരിച്ചു.
ചെന്നൈ ആവഡിയിലാണ് സംഭവം. ഡ്രെയിനേജ് സംവിധാനത്തിലെ തടസ്സം നീക്കാൻ ഗോപിനാഥ് എന്ന തൊഴിലാളി മാൻഹോളിൽ ഇറങ്ങുകയായിരുന്നു. പെട്ടെന്ന് ശ്വസിക്കാൻ ബുദ്ധിമുട്ട് അനുഭവപ്പെട്ടു. തിരികെ കയറാൻ ശ്രമിച്ചെങ്കിലും ബോധം നഷ്ടപ്പെട്ട് ഡ്രെയിനേജിലേക്ക് വീഴുകയായിരുന്നു.
ഫയർ ആൻഡ് റെസ്‌ക്യൂ ടീം സ്ഥലത്തെത്തി ഗോപിനാഥിനെ പുറത്തെടുത്തു. എന്നാൽ മെഡിക്കൽ സംഘം മരണം സ്ഥിരീകരിച്ചു. മൃതദേഹം പോസ്റ്റ്‌മോർട്ടത്തിനായി അടുത്തുള്ള ആശുപത്രിയിലേക്ക് മാറ്റി. സംഭവത്തിൽ ആവഡി പോലീസ് കേസെടുത്ത് അന്വേഷണം ആരംഭിച്ചു.
