നാദാപുരത്ത് പടക്കം പൊട്ടിക്കുന്നതിനിടെ ജീപ്പ് കത്തി നശിച്ചു
കോഴിക്കോട്:
കോഴിക്കോട് പടക്കം പൊട്ടിക്കുന്നതിനിടെ തീ പടർന്ന് ജീപ്പ് മുഴുവനായി കത്തി നശിച്ചു. നാദാപുരം മുടവന്തേരിയിലാണ് സംഭവം. ചെറിയ പെരുന്നാള്‍ മാസപ്പിറവി കണ്ടതോടെ പ്രദേശത്ത് പടക്കം പൊട്ടിക്കാന്‍ ആരംഭിച്ചിരുന്നു. ഇത്തരത്തില്‍ പൊട്ടിച്ച പടക്കത്തില്‍ നിന്നും തീപ്പൊരി തെറിച്ച് ജീപ്പിലേക്ക് വീഴുകയായിരുന്നു.
ഇന്ന് പുലർച്ചയോടെയാണ് സംഭവം ഉണ്ടായത്. ജീപ്പിൽ സൂക്ഷിച്ച പടക്ക ശേഖരത്തിന് തീ പിടിച്ചതാണ് ജീപ്പ് പൊട്ടിത്തെറിക്കാന്‍ ഇടയാക്കിയതെന്നുമാണ് നിഗമനം. സംഭവത്തില്‍ മുസ്ലിംലീഗ് പ്രവർത്തകർ ഉൾപ്പെടെ16 പേർക്കെതിരെ പോലീസ് കേസെടുത്തു.
