ട്രിവാൻഡ്രം റോയൽസിന് വിജയം

തിരുവനന്തപുരം:

കേരള ക്രിക്കറ്റ് ലീഗിൽ ട്രിവാൻഡ്രം റോയൽസ് എട്ടു വിക്കറ്റിന് തൃശൂർ ടൈറ്റൻസിനെ പരാജയപ്പെടുത്തി. ബാറ്റിങ്ങിലും ബൗളിങ്ങിലും ആധിപത്യം പുലർത്തിയ റോയൽസ് ചെറിയ ലക്ഷ്യം അനായസം പിന്തുടർന്നു. സ്കോർ:തൃശൂർ 129/6: ട്രിവാൻഡ്രം: 132/2 (17.5). എം എസ് അഖിൽ അർധ സെഞ്ചുറിയുമായി വിജയമൊരുക്കി. 37 പന്തിൽ 54 റണ്ണടിച്ചപ്പോൾ അഞ്ച് സിക്സറും രണ്ട് ഫോറും ഉൾപ്പെട്ടു. ഗോവിന്ദ് പൈ 23 പന്തിൽ 30 റണ്ണുമായി പിന്തുണച്ചു. മഴയെത്തുടർന്ന് വൈകിയാണ് മത്സരം ആരംഭിച്ചതു്. ടോസ് നേടിയ ട്രിവാൻഡ്രം തൃശൂരിനെ ബാറ്റിങ്ങിനയക്കുകയായിരുന്നു. പോയിന്റ് പട്ടികയിൽ ഏരീസ് കൊല്ലം സെയ്ലേഴ്സാണ് ഒന്നാം സ്ഥാനത്ത്. ട്രിവാൻഡ്രം ക്ലബ്ബിന് എട്ടു പോയിന്റുണ്ട്.