ബി ജെ പി സംഘം നാളെ ശബരിമലയിലെത്തും.ശബരിമലയെ ടൂറിസ്റ്റ് കേന്ദ്രമാകാൻ സർക്കാർ ശ്രമം :കുമ്മനം രാജശേഖരൻ

തിരുവനന്തപുരം :

ശബരിമലയിലെ പ്രശ്നങ്ങൾ പഠിക്കാൻ ബിജെപി നേതാവ് കുമ്മനം രാജശേഖരന്റെ നേതൃത്വത്തിൽ മൂന്നംഗ സംഘം ശബരിമലയിൽ നാളെയെത്തും. ശബരിമലയില്‍ അയ്യപ്പഭക്തര്‍ നേരിടുന്ന ദുരിതം മനസിലാക്കാനാണ് സന്ദര്‍ശനം.പമ്പ ,നിലയ്ക്കൽ, ഇളവുങ്കൽ എന്നിവടങ്ങളിലും സന്ദർശനം നടത്തും. ശബരിമലയിലെ നിലവിലെ സ്ഥിതി അറിയാനാണ് പ്രതിനിധി സംഘം എത്തുന്നത്.
ബിജെപി നേതാവ് കുമ്മനം സർക്കാരിനെ നിശിദമായി വിമർശിച്ചു . ശബരിമലയെ ടൂറിസ്റ്റ് കേന്ദ്രമാകാൻ സർക്കാർ ശ്രമിക്കുന്നുവെന്ന് കുമ്മനം രാജശേഖരൻ ആരോപിച്ചു. തിരക്കിന് കാരണം ഭക്തർ പെട്ടെന്ന് എത്തിയതെന്ന മുഖ്യമന്ത്രിയുടെ വാദം തെറ്റാണെന്ന് കുമ്മനം പറഞ്ഞു. ഭക്തരുടെ ബുദ്ധിമുട്ട് പരിഹരിക്കാൻ സർക്കാർ നടപടിയെടുത്തില്ലെന്ന് അദ്ദേഹം പറഞ്ഞു.
ഭക്തരുടെ വർധന മുൻകൂട്ടി കണ്ട് അടിസ്ഥാന സൗകര്യങ്ങളൊരുക്കാൻ പിണറായി സർക്കാരിന് കഴിഞ്ഞില്ല . മുൻ പരിചയമില്ലാത്തെ പൊലീസുകാരെ ശബരിമലയിൽ നിയോഗിച്ചു. തീർഥാടകർക്ക് അടിസ്ഥാന സൗകര്യങ്ങൾ നിഷേധിക്കുന്നുവെന്നും കുമ്മനം രാജശേഖരൻ ആരോപിച്ചു.