ഓസീസ് സൂപ്പർ എട്ടിൽ

ആന്റിഗ്വ:

         ട്വന്റി 20 ക്രിക്കറ്റ് ലോകകപ്പിൽ ഒസ്ട്രേലിയ സൂപ്പർ എട്ടിൽ കടന്നു. നമീബിയയെ ഒമ്പതു വിക്കറ്റിന് തകർത്ത് മൂന്നാം വിജയം ആഘോഷിച്ചു. നാല് ഓവറിൽ 12 റൺ വഴങ്ങി നാലു വിക്കറ്റെടുത്ത സ്പിന്നർ ആദം സാമ്പയാണ് കളിയിലെ താരം. സ്കോർ:നമീബിയ 72 (17), ഓസീന് 74/1 (5.4). ആദ്യം ബാറ്റെടുത്ത നമീബിയയ്ക്ക് ഓസീസ് ബൗളിങ്ങിനുമുന്നിൽ പിടിച്ചുനിൽക്കാനായില്ല. ക്യാപ്റ്റൻ ജെറാർഡ് ഇറസ്മസ് 36 റൺ നേടി.ആദം സാമ്പക്ക് പിന്തുണയുമായി ജോഷ് ഹാസിൽവുഡും, മാർക്സ് സ്റ്റോയിനിസും രണ്ട് വിക്കറ്റ് വീതം നേടി. ഡേവിഡ് വാർണറുടെ (20) വിക്കറ്റാണ് ഓസീസിന് നഷ്ടമായത്. ട്രാവിസ് ഹെഡും (34) ക്യാപ്റ്റൻ മിച്ചൽ മാർഷ്യും(18) പുറത്തായില്ല.