റോജർ കോർമാൻ അന്തരിച്ചു

കാലിഫോർണിയ:
പ്രശസ്ത ഹോളിവുഡ് തിരക്കഥാകൃത്തും സംവിധായകനുമായ റോജർ കോർമാൻ (98)അന്തരിച്ചു. കാലിഫോർണിയയിലെ സാന്റാ മോണിക്കയിലെ വസതിയിൽ വ്യാഴാഴ്ചയായിരുന്നു അന്ത്യം. ഹോളിവുഡിലെ പ്രശസ്തരായ നിരവധി സംവിധായകരെയും അഭിനേതാക്കളെയും കൈ പിടിച്ചുയർത്തുന്നതിൽ കോർമാൻ പ്രധാന പങ്കു വഹിച്ചു. ജെയിംസ് കാമറൂൺ, മാർട്ടിൻ സ്കോർ സെസി എന്നിവരുൾപ്പെടെ പ്രശസ്തരായ നിരവധി സംവിധായകരെ മുഖ്യധാരയിൽ എത്തിക്കുന്നതിൽ കോർമാൻ പ്രധാന പങ്ക് വഹിച്ചു. പീറ്റർ ഫോണ്ട, റോബർട്ട് ഡി നിറോ, സാന്ദ്ര ബുള്ളക്ക് തുടങ്ങിയ അഭിനേതാക്കളുടെ കരിയർ രൂപപ്പെടുത്തുന്നതിലും അദ്ദേഹം സഹായിച്ചിട്ടുണ്ട്. കൂടാതെ കോർമാൻ സംവിധായകൻ, തിരക്കഥാകത്ത്, നിർമാതാവ് എന്നീ നിലകളിൽ നാനൂറിലധികം സിനിമകളുടെ ഭാഗമായിട്ടുണ്ട്.