എ എ പി വിജയം ;വിപ്ലവത്തിന്റെ ആരംഭം :കേജ്രിവാൾ

കേരളത്തിൽ ആം ആദ്മി പാർട്ടി അക്കൗണ്ട് തുറന്ന ചരിത്ര നേട്ടത്തിൽ അഭിനന്ദനമറിയിച്ച് എ എ പി ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കേജ്രിവാൾ. ഇടുക്കി ജില്ലയിൽ കരിംകുന്നം പഞ്ചായത്തിലെ നെടിയകാട് വാർഡിൽ നടന്ന തദ്ദേശ തിരഞ്ഞെടുപ്പിൽ എ എ പി സ്ഥാനാർത്ഥി ബീന കുര്യനാണ് ഈ മഹത്തായ വിജയം നേടിയത്.നാല് വോട്ടിന്റെ ഭൂരിപക്ഷത്തിൽ കോൺഗ്രസ്‌ സീറ്റ് പിടിച്ചെടുക്കുകയായിരുന്നു ബീന കുര്യൻ.ബീനയുടെ വിജയം കേരളത്തിലെ എല്ലാ ആം ആദ്മി പാർട്ടി പ്രവർത്തകർക്കും സമർപ്പിക്കുന്നുവെന്ന് കേജ്രിവാൾ ട്വീറ്ററിൽ കുറിച്ചു.കേരളത്തിൽ എ എ പി വിപ്ലവത്തിന്റെ ആരംഭമാണിതെന്ന് എ എ പി കേരള ഘടകം എക്സിൽ അദ്ദേഹം അഭിപ്രായപ്പെട്ടു.