സൂര്യകുമാറിന് സെഞ്ചുറി

ജൊഹന്നാസ്ബർഗ്:

     ട്വന്റി20 ക്രിക്കറ്റ് പരമ്പര ദക്ഷിണാഫ്രിക്കയെ 106 റണ്ണിന് തോല്പിച്ച് ഇന്ത്യ വിജയം നേടി. സെഞ്ചുറിയുമായി ക്യാപ്റ്റൻ സൂര്യകുമാർ യാദവും അഞ്ച് വിക്കറ്റുമായി കുൽ ദീപ് യാദവും തിളങ്ങിയതോടെ ഇന്ത്യയുടെ വിജയം അനായസമായി. ക്യാപ്റ്റൻ സൂര്യകുമാർ 56 ബോളിൽ ഏഴ് ഫോറും എട്ട് സിക്സറും അടിച്ച്100 റണ്ണിലെത്തി. ഇന്ത്യയുടെ സ്കോർ 201/ 7. നാല് സെഞ്ചുറി നേടുന്ന മൂന്നാമത്തെ ഇന്ത്യൻ താരമാണ് സൂര്യകുമാർ യാദവ്. സൂര്യകുമാറും ഓപ്പണർ യശസ്വി ജയ്സ്വാളും ചേർന്ന് മൂന്നാം വിക്കറ്റിൽ 112 റണ്ണടിച്ചു. റിങ്കുസിംഗ് 10 ബോളിൽ 14 റൺ നേടി. കുൽദീപിന്റെ സ്പിൻ ബൗളിങ്ങിന് ആഫ്രിക്കൻ താരം ഡേവിഡ് മില്ലറുടെ മറുപടി ദുർബലമായിരുന്നു. മൂന്ന് ഏകദിന മത്സര പരമ്പര ഡിസംബർ 17 ന് തുടങ്ങും.