കരുവന്നൂരിൽ സിപിഎമ്മും പിണറായി വിജയനും കള്ളം പറഞ്ഞ് പാവങ്ങളെ വഞ്ചിക്കു ന്നു :പ്രധാനമന്ത്രി നരേന്ദ്ര മോദി 

കരുവന്നൂരിൽ സിപിഎമ്മും പിണറായി വിജയനും കള്ളം പറഞ്ഞ് പാവങ്ങളെ വഞ്ചിക്കുകയാണെന്ന് നരേന്ദ്ര മോദി ആരോപിച്ചു.

വിഷുക്കാലത്ത് എത്താൻ കഴിഞ്ഞതിൽ സന്തോഷമെന്ന് പ്രധാനമന്ത്രി നരേന്ദ്ര മോദി. കുന്നംകുളത്ത് മലയാളത്തിൽ പ്രസംഗം ആരംഭിച്ച് സംസാരിക്കുകയായിരുന്നു പ്രധാനമന്ത്രി. വടക്കുന്നാഥൻ, തൃപ്രയാർ ശ്രീരാമസ്വാമി ക്ഷേത്രം, ഗുരുവായൂർ പുണ്യ ഭൂമികളെ നമിക്കുകയാണെന്ന് പറ‍ഞ്ഞാണ് മോദി പ്രസംഗം ആരംഭിച്ചത്. വിഷു ആഘോഷത്തെയും മണപ്പുള്ളിക്കാവ് വേലയെയും വരാനിരിക്കുന്ന തൃശൂർ പൂരത്തെയും കുറിച്ചും പ്രധാന മന്ത്രി സംസാരിച്ചു. തൃപ്രയാർ ക്ഷേത്രം ദക്ഷിണേന്ത്യയിലെ അയോദ്ധ്യ ക്ഷേത്രമാണെന്നും  അദ്ദേഹം പറഞ്ഞു.

 തൃശൂരിൻ്റെ ക്ഷേത്ര സാംസ്‌കാരിക പൈതൃകങ്ങളെ കുറിച്ച് സംസാരിച്ചു തുടങ്ങിയ അദേഹം സിപിഎമ്മിനെയും രാഹുൽ ഗാന്ധിയെയും കടന്നാക്രമിച്ചു. കരുവന്നൂർ വിഷയത്തിലും മോദി സംസാരിച്ചു .

കേരളത്തിലെ ജനങ്ങളുടെ പണം പരസ്യമായി കൊള്ളയടിക്കുകയാണ്. കരുവന്നൂർ സഹകരണ ബാങ്ക് അഴിമതി ഇടതുപക്ഷത്തിൻ്റെ കൊള്ളയുടെ ഉദാഹരണമാണ്. പാവപ്പെട്ടവർ നിക്ഷേപിച്ച പണം മുഴുവൻ സിപിഎമ്മുകാർ ബാങ്കിൽ നിന്നും കൊള്ളയടിച്ചു. തൻ്റെ  മകളുടെ വിവാഹ സ്വപ്നവുമായി ബാങ്കിൽ പണം നിക്ഷേപിച്ചവർക്ക് വലിയ തിരിച്ചടിയും ദുരിതവുമാണ് ഉണ്ടായത്”. കരുവന്നൂർ വിഷയത്തിൽ അദ്ദേഹം കടന്നാക്രമണം നടത്തി.

കേരളത്തിൻ്റെ  മുഖ്യമന്ത്രി പിണറായി വിജയനും കൂട്ടാളികളും കഴിഞ്ഞ 3  വർഷമായി കള്ളം പറയുകയാണ്. പണം ഇരകൾക്ക് തിരിച്ചു നൽകുമെന്ന പച്ചക്കള്ളം. എന്നാൽ ഈ കേസിൽ ഇതുവരെ 90 കോടി രൂപയാണ് ഇഡി പിടിച്ചെടുത്തിട്ടുള്ളത്. അത് എങ്ങനെ നിക്ഷേപകരായ ഈ പാവങ്ങൾക്ക് തിരിച്ചു നൽകാമെന്നാണ് ഞാൻ ബന്ധപ്പെട്ട ഉദ്യോഗസ്ഥരുമായി ചർച്ച ചെയ്യുകയാണെന്നും അദ്ദേഹം പറഞ്ഞു.

“നിങ്ങളുടെ പണം തിരിച്ചു നൽകാൻ മോദി സർക്കാർ തയ്യാറാണ്. അതിനുള്ള ശ്രമമാണ് നടത്തുന്നത്. കഴിഞ്ഞ വർഷങ്ങളിൽ ഇത് പോലെ 7000 കോടി രൂപയാണ് ഇഡി പിടിച്ചെടുത്ത് തിരിച്ചു നൽകിയിട്ടുള്ളത് ” അദ്ദേഹം കൂട്ടിച്ചേർത്തു.

രാഹുൽ ഗാന്ധിക്കെതിരെ പരോക്ഷ വിമർശനവും മോദി ഉന്നയിച്ചു.ഒരു പ്രധാന കോൺഗ്രസ്  നേതാവ്ഇവിടുത്തെ പാവങ്ങളുടെ പണം നഷ്ടമായ സംഭവത്തെക്കുറിച്ച് കുറിച്ച് ഒരു വാക്ക് പോലും ഇതുവരെ പറഞ്ഞിട്ടില്ല.

“കേരളത്തിലെ യുഡിഎഫിനെയും സിപിഎമ്മിനേയും സൂക്ഷിക്കണം. ഇവിടെ തമ്മിലടിക്കുന്ന ഇരുവരും കേരളം വിട്ടാൽ സഖ്യം ഉണ്ടാക്കുകയും ഒരുമിച്ചു ഒരു പ്ലേറ്റിൽ  നിന്നും ഭക്ഷണം കഴിക്കുന്നവരുമാണ്.  എന്നാൽ ബിജെപി അങ്ങനെയല്ല, നിങ്ങൾ ബിജെപിക്ക് നൽകുന്ന ഓരോ വോട്ടും പാവങ്ങളെ സംരക്ഷിക്കാൻ ഉള്ളതാണ്. അത് പാഴാവില്ല’. അദ്ദേഹം കൂട്ടിച്ചേർത്തു.

സുരേഷ് ഗോപി ഉള്‍പ്പെടെ നാല് മണ്ഡലങ്ങളിലെ എന്‍ഡിഎ സ്ഥാനാര്‍ത്ഥികളും പ്രധാനമന്ത്രിക്കൊപ്പം വേദിയിലുണ്ടായിരുന്നു. പത്മജ വേണുഗോപാല്‍, നടൻ ദേവൻ തുടങ്ങിയവരും സംബന്ധിച്ചു.