ഡൽഹിയിലും ബീഹാറിലും ഭൂചലനം
ന്യൂഡൽഹി:
ഡൽഹിയിലും സമീപപ്രദേശങ്ങളിലും തിങ്കളാഴ്ച പുലർച്ചെ ഉഗ്രശബ്ദത്തോടെ ഭൂചലനം അനുഭവപ്പെട്ടു. രാവിലെ 5.36 നാണ് റിക്ടർ സ്കെയിലിൽ നാല് തീവ്രത രേഖപ്പെടുത്തിയ ഭൂചലനമുണ്ടായത്. വലിയ മുഴക്കത്തിനൊപ്പം കെട്ടിടങ്ങൾ കുലുങ്ങിയതോടെയാണ് ഡൽഹി, നോയിഡ, ഗ്രേറ്റർ നോയിഡ,ഗുരു ഗ്രാം നിവാസികൾ പരിഭ്രാന്തരായി പുറത്തേക്കോടി. 8.02ന് ബീഹാറിലും തീവ്രത നാല് രേഖപ്പെടുത്തിയ ഭൂചലനമുണ്ടായി.രണ്ടിടത്തും ജീവഹാനിയോ നാശനഷ്ടങ്ങളോ റിപ്പോർട്ട് ചെയ്തിട്ടില്ല.
