വിരാട് കോഹ്‌ലിക്ക് 9000 റൺ
ബംഗളുരു:
ടെസ്റ്റ് ക്രിക്കറ്റിൽ വിരാട് കോഹ്‌ലി 9000 റൺ തികച്ചു. ഈ നേട്ടം കൈവരിക്കുന്ന നാലാമത്തെ ഇന്ത്യൻ താരമാണ് കോഹ്‌ലി.116-ാം ടെസ്റ്റ് കളിക്കുന്ന മുപ്പത്തിനാലുകാരന് 9017 റണ്ണായി.സച്ചിൻ ടെൻഡുൽക്കർ (15921), രാഹുൽ ദ്രാവിഡ് (13265), സുനിൽ ഗവാസ്കർ (10122)എന്നിവരാണ് കോഹ്‌ലിക്ക് മുന്നിൽ. രാജ്യാന്തര ക്രിക്കറ്റിൽ 536-ാമത്തെ മത്സരമായിരുന്നു കോഹ്‌ലിയുടേത്. മഹേന്ദ്രസിങ് ധോണിയെയാണ് അദ്ദേഹം മറി കടന്നത്.ഏറ്റവും കൂടുതൽ മത്സരങ്ങളിൽ ഇറങ്ങിയവരിൽ രണ്ടാമനായി. 664 മത്സരങ്ങളിൽ കളിച്ച സച്ചിനാണ് ഈ പട്ടികയിലും മുന്നിൽ. 197 ഇന്നിങ്സിൽ 29 സെഞ്ചുറിയും, 31 അർധസെഞ്ചുറിയും കോഹ്‌ലിയുടെ പേരിലുണ്ട്.
