കേരള വനിതകൾ സൂപ്പർ ലീഗിൽ
വെഞ്ഞാറമൂട് :
ദേശിയ അക്വാട്ടിക് വാട്ടർ പോളോ ഡൈവിങ് ചാമ്പ്യൻഷിപ്പിൽ കേരള വനിതകൾ സൂപ്പർ ലീഗിൽ. തമിഴ്നാടിനെ എതിരില്ലാത്ത 23 ഗോളി നാണ് കേരള വനിതകൾ തോൽപ്പിച്ചത്. വനിതകളുടെ പൂൾ ബിയിലെ പോരാട്ടത്തിൽ പൊലീസിനെ തകർത്ത് ബംഗാൾ സൂപ്പർ ലീഗ് യോഗ്യത നേടി. ഗ്രൂപ്പ് സിയിലെ നിർണായക മത്സരത്തിൽ കർണാടകത്തെ രണ്ടിനെതിരെ 13 ഗോളിന് പരാജയപ്പെടുത്തി മഹാരാഷ്ട്ര സൂപ്പർ ലീഗിലേക്ക്. വനിതകളുടെ മറ്റു മത്സരങ്ങളിൽ ഡൽഹി ആന്ധ്രപ്രദേശിനെ എതിരില്ലാത്ത 19 ഗോളിനും, ഹരിയാന രണ്ടിനെതിരെ 14 ഗോളിന് തെലുങ്കാനയേയും തോൽപ്പിച്ചു.
