രണ്ടു ഗഡു ക്ഷേമ പെൻഷൻ ഈയാഴ്ച
തിരുവനന്തപുരം:
സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക് രണ്ടു ഗുഡു പെൻഷൻ വെള്ളിയാഴ്ച മുതൽ ലഭിക്കും. 62 ലക്ഷത്തോളം പേർക്ക് 3200 രൂപ വീതമാണ് ലഭിക്കുക. ഇതിനായി 1604 കോടി രൂപ അനവദിച്ചതായി ധനമന്ത്രി കെ എൻ ബാലഗോപാൽ അറിയിച്ചു. ജനുവരിയിലെ പെൻഷനും ഒരു ഗഡു കുടിശ്ശികയുമാണ് അനുവദിച്ചത്. കഴിഞ്ഞ മാർച്ചു മുതൽ മാസം തോറും പെൻഷൻ നൽകുന്നുണ്ട്.
