രജിസ്റ്റർ വിവാഹത്തിന് ഫോട്ടോ പതിപ്പിച്ച സർട്ടിഫിക്കറ്റ്

തിരുവനന്തപുരം:

             സബ് രജിസ്ട്രാർ ഓഫീസിൽ അപേക്ഷ നൽകി വിവാഹം കഴിക്കുന്നവർക്ക് ഫോട്ടോ പതിപ്പിച്ച സർട്ടിഫിക്കറ്റ് നൽകാൻ ചട്ടം ഭേദഗതി ചെയ്യുമെന്ന് മന്ത്രി രാമചന്ദ്രൻ കടന്നപ്പള്ളി. നിലവിൽ 50 രൂപയുടെ മുദ്രപ്പത്രത്തിലാണ് രജിസ്റ്റർ വിവാഹിതർക്ക് സർട്ടിഫിക്കറ്റ് നൽകുന്നതു്. ഇതിൽ വധൂവരൻമാരുടെ ചിത്രം ഇല്ലാത്തത് വിദേശരാജ്യങ്ങളിൽ പോകുന്നവർക്കും മറ്റും ബുദ്ധിമുട്ടുണ്ടാകുന്നു. ഇത് പരിഹരിക്കാനാണ് വിവാഹ സർട്ടിഫിക്കറ്റും സ്മാർട്ട് ആക്കുന്നത്. രജിസ്റ്റർ വിവാഹത്തിനുള്ള അപേക്ഷ നേരത്തെ ഓൺലൈനാക്കിയിട്ടു ണ്ട്.സബ് രജിസ്ട്രാർ വീട്ടിലെത്തി വിവാഹം രജിസ്റ്റർ ചെയ്യുന്ന പദ്ധതിക്കും തുടക്കമായി.രജിസ്ട്രേഷൻ ആവശ്യങ്ങൾക്ക് വിരലിൽ മഷി പുരട്ടുന്നതിനു പകരം ‘ഡിജിറ്റൽ ഓഥന്റിക്കേഷൻ ‘ നടപ്പാക്കും.