പോലീസ് സ്‌റ്റേഷനിൽ മദ്യപിച്ചെത്തി ബഹളമുണ്ടാക്കി; നടന്‍ വിനയകനെ കൊച്ചി നോര്‍ത്ത് പോലീസ് അറസ്റ് ചെയ്തു .
പോലീസ് സ്‌റ്റേഷനില്‍ മദ്യപിച്ചെത്തി ബഹളം വെച്ചതിന് നടന്‍ വിനയകനെ അറസ്റ് ചെയ്തു .കൊച്ചി നോര്‍ത്ത് പോലീസാണ് വിനായകനെ അറസ്‌റ്റ് ചെയ്‌തത്‌. സ്‌റ്റേഷനില്‍ വിനായകന്‍ എത്തിയത് മദ്യപിച്ചാണെന്ന് പോലീസ് പറഞ്ഞു. മദ്യപിച്ചെത്തി ബഹളം ഉണ്ടാക്കിയതിനെ തുടര്‍ന്നാണ് നടനെ അറസ്‌റ്റ് ചെയ്‌തതെന്നും പോലീസ് പറഞ്ഞു.
അറസ്‌റ്റിന് ശേഷം വിനായകനെ വൈദ്യപരിശോധനയ്ക്ക് വിധേയനാക്കിയെന്നാണ് സൂചന.ഇന്ന് വൈകിട്ട് ഫ്ലാറ്റിൽ വെച്ച് ബഹളമുണ്ടാക്കിയതിനുശേഷം വിനായകൻ പോലീസിനെ വിളിച്ചു വരുത്തിയിരുന്നു. കുടുംബ പ്രശ്‌നവുമായി ബന്ധപ്പെട്ട കേസിന്റെ ആവശ്യത്തിനാണ് വിനായകൻ നോർത്ത് പോലീസ് സ്‌റ്റേഷനിൽ എത്തിയത്.ഫ്ലാറ്റിലെത്തിയ പോലീസ് ഉദ്യോഗസ്ഥരെയും വിനായകൻ അസഭ്യം പറഞ്ഞതായി പോലീസ് പറയുന്നു.
പോലീസ് സ്‌റ്റേഷന്റെ പ്രവര്‍ത്തനം തടസപ്പെടുത്തിയെന്ന് കാട്ടിയാണ് വിനായകനെതിരെ കേസെടുത്തിരിക്കുന്നത്. കേസെടുത്തശേഷം അറസ്‌റ്റ് രേഖപ്പെടുത്തുകയായിരുന്നു.
