പ്ലസ് വൺ ക്ലാസ് ആരംഭിച്ചു
തിരുവനന്തപുരം:
2076 സ്കൂളുകളിൽ ഹയർ സെക്കൻഡറി, വിഎച്ച് എസ്ഇ ഒന്നാം വർഷ ക്ലാസുകൾ തിങ്കളാഴ്ച ആരംഭിച്ചു. തിരുവനന്തപുരം കോട്ടൺഹിൽ സ്കൂളിൽ രാവിലെ ഒമ്പതിന് വിദ്യാർഥികളെ മന്ത്രി വി ശിവൻകുട്ടിയുടെ നേതൃത്വത്തിൽ സ്വീകരിക്കും. 3,22,147 വിദ്യാർഥികൾ ദിനം ക്ലാസിലെത്തും. മെറിറ്റ് സ്വീറ്റിൽ 2,67,920 പേരും കമ്യൂണിറ്റി ക്വാട്ടയിൽ 19,251 പേരും, മാനേജ്മെന്റ് സീറ്റിൽ 19,192 പേരും അൺ എയ്ഡഡ് സ്കൂളിൽ 10,583 പേരുമാണ് പ്രവേശനം നേടിയത്. സ്പോർട്സ് ക്വാട്ടയിൽ 4,333 പേരും മോഡൽ റെസിഡൻഷ്യൽ സ്കൂളിൽ 868 പേരുമാണ് പ്രവേശനം നേടിയതു്. മെറിറ്റിലെ 41,222 സീറ്റുകളിലേക്ക് സപ്ളിമെന്ററി അലോട്ടുമെന്റുകൾ നടത്തും.
