പൾസർ NS400Z: പുതിയ ട്രെൻഡ്
ബജാജ് ഓട്ടോ പുതിയ മോഡൽ പൾസർ എൻഎന്400 സെഡ് പുറത്തിറക്കി.എക്കാലത്തെയും മികച്ച പൾസർ എന്ന വിശേഷണത്തോടെ ആധുനിക ഫ്ളോട്ടിങ് പാനലുകൾ, ഷാംപെയ്ൻ ഗോൾഡ് യുഎസ്ഡി ഫോർക്കുകൾ, കാർബൺ ഫൈബർ ഗ്രാഫിക്സ്, അണ്ടർ ബെല്ലി എക്സ്ഹോസ്റ്റോടു കൂടിയ ബിക്കിനി ഫെയറിങ് എന്നിങ്ങനെ ഡിസൈനിൽ പുതുമകളോടെയാണ് ഈ മോട്ടോർസൈക്കിൾ എത്തിച്ചിരിക്കുന്നത്. ഇതിന്റെ 373.27സിസി എൻജിൻ 40 പിഎസ് പവറും 35 എൻഎം ടോർക്കും ഉൽപ്പാദിപ്പിക്കുമെന്നും വ്യത്യസ്തറൈഡിങ് അവസ്ഥകൾക്കുള്ള റൈഡ് മോഡുകളും നൂതനമായ 43 എംഎം യുഎസ്ഡി ഫോർക്കുകളും സ്മാർട്ട് 4 വേ സ്വിച്ചുകളുള്ള റൈഡ് ബൈവയറും വ്യത്യസ്തമായ യാത്രാനുഭവം സമാനിക്കുമെന്നും കമ്പനി അവകാശപ്പെടുന്നു. ഗ്ലോസി റേസിങ് റെഡ്, ബ്രൂക്ക്ലിൻ ബ്ലാക്ക്, പേൾ മെറ്റാലിക് വൈറ്റ്, പ്യൂറ്റർ ഗ്രേ എന്നീ നിറങ്ങളിൽ ലഭ്യമാകും. എക്സ് ഷോറും വില 1,81,536 രൂപ.
