സാർവദേശീയ സാഹിത്യോത്സവം തൃശൂരിൽ

തൃശൂർ:
കേരള സാഹിത്യ അക്കാദമി ജനുവരി 28 മുതൽ ഫെബ്രുവരി മൂന്നുവരെ സാർവദേശീയ സാഹിത്യോത്സവം തൃശൂരിൽ നടത്തും.ഇതിനായുള്ള പ്രതിനിധി രജിസ്ട്രേഷൻ വ്യാഴാഴ്ച ആരംഭിക്കും. പൊതുജനങ്ങക്ക് 500 രൂപയും വിദ്യാർഥികൾക്ക് 250 രൂപയുമാണ് രജിസ്ട്രേഷൻ ഫീസ്. വിദ്യാർഥികൾ ഐഡി കാർഡോ സ്ഥാപനമേധാവിയുടെ സാക്ഷ്യപത്രമോ ഹാജരാക്കണം. ഫെസ്റ്റിവൽ കിറ്റ്, ഉച്ചഭക്ഷണം, ലഘുഭക്ഷണം, അക്കാദമി പുസ്തകങ്ങൾ കുറഞ്ഞ നിരക്കിൽ വാങ്ങാനുള്ള അവസരം എന്നിവയാണ് ഡെലിഗേറ്റുകൾക്ക് ലഭിക്കുന്ന സൗകര്യങ്ങൾ.www.ilfk.in എന്ന വെബ് സൈറ്റിലോ, നേരിട്ടോ രജിസ്റ്റർ ചെയ്യാം. വിശദ വിവരങ്ങക്ക്: 0487 2330013.