ഇന്ന് പെസഹാ വ്യാഴം
കോട്ടയം:
യേശു ക്രിസ്തുവിന്റെ അന്ത്യ അത്താഴസ്മരണയിൽ ക്രൈസ്തവർ ഇന്ന് പെസഹാ വ്യാഴം ആചരിക്കും. കുരിശു മരണത്തിന്റെ ഓർമയിൽ 29ന് ദു:ഖവെള്ളിയും ഉയിർപ്പിന്റെ ആഹ്ളാദത്തിൽ 31ന് ഈസ്റ്ററും ആചരിക്കും. ഉയിർപ്പ് പെരുന്നാളോടെ വിശുദ്ധ വാരാചരണത്തിന് സമാപനമാകും. കുരിശുമരണം വരിക്കുന്നതിനു മുൻപ് യേശു ശിഷ്യൻമാർക്കൊപ്പം അവസാനമായി കഴിച്ച അത്താഴത്തിന്റേയും അതിനുമുമ്പായി അദ്ദേഹം അവരുടെ കാലുകൾ കഴുകിയതിന്റേയും ഓർമപുതുക്കി പള്ളികളിൽ പ്രത്യേക പ്രാർത്ഥനയും കാൽകഴുകൽ ശുശ്രൂഷയും നടക്കും. വീടുകളിൽ പെസഹാ അപ്പം മുറിയ്ക്കും. ദു:ഖ വെള്ളി ദിനത്തിൽ കുരിശുമരണത്തിന്റെ ഓർമപുതുക്കി കുരിശിന്റെ വഴി ആചരിക്കും.
