ഒരാഴ്ചത്തേക്ക് ജാമ്യം നീട്ടണമെന്ന് കെജ്‌രിവൾ
ന്യൂഡൽഹി:
ഡൽഹി മദ്യനയക്കേസിൽ അനുവദിച്ച ഇടക്കാല ജാമ്യം ഒരാഴ്ചത്തേക്കു കൂടി നീട്ടിണമെന്ന ആവശ്യവുമായി എഎപി നേതാവും മുഖ്യമന്ത്രിയുമായ അരവിന്ദ് കെജ്‌രിവാൾ സുപ്രീംകോടതിയെ സമീപിച്ചു. തെരഞ്ഞെടുപ്പ് പ്രചാരണത്തിൽ പങ്കെടുക്കാൻ ജൂൺ ഒന്നുവരെയാണ് ജാമ്യം അനുവദിച്ചത്. അടിയന്തിരവൈദ്യ പരിശോധന നടത്തേണ്ടതിനാൽ ജാമ്യകാലാവധി ജൂൺ എട്ടുവരെ നീട്ടണമെന്ന് അദ്ദേഹം അപേക്ഷ നൽകി. അറസ്റ്റിലായ ശേഷം അദ്ദേഹത്തിന് ഏഴ്കിലോയോളം കുറഞ്ഞു. ജൂൺ രണ്ടിന് കീഴടങ്ങുന്ന കെജ്‌രിവാളിനെ 14 ദിവസത്തേക്കു കൂടി ജുഡീഷ്യൽ കസ്റ്റഡിയിൽ വേണമെന്ന് ഇഡി വിചാരണക്കോടതിയിൽ അപേക്ഷ നൽകിയിട്ടുണ്ട്.
