സംവിധായകന്‍ ഒമര്‍ ലുലുവിനെതിരെ ബലാത്സംഗക്കേസ്; പലതവണ ബലാത്സംഗം ചെയ്തുവെന്ന് യുവനടിയുടെ പരാതി
കൊച്ചി:
സിനിമാ സംവിധായകന്‍ ഒമര്‍ ലുലു പലതവണ ബലാത്സംഗം ചെയ്തുവെന്ന് മലയാളത്തിലെ യുവനടിയുടെ പരാതി. സംഭവത്തില്‍ നടിയുടെ മൊഴി പൊലീസ് രേഖപ്പെടുത്തി. സിനിമയില്‍ അവസരം വാഗ്ദാനം ചെയ്ത് നിരവധി തവണ പീഡിപ്പിച്ചുവെന്നാണ് നടിയുടെ പരാതിയില്‍ പറയുന്നത്. അതേസമയം പരാതിയിൽ കേസെടുത്ത കാര്യം നെടുമ്പാശ്ശേരി പൊലീസ് സ്ഥിരീകരിച്ചിട്ടില്ല.
കൊച്ചി സിറ്റി പൊലീസിന് നൽകിയ പരാതി പിന്നീട് നെടുമ്പാശ്ശേരി പൊലീസിന് കൈമാറുകയായിരുന്നു. കഴിഞ്ഞ ജനുവരി മുതൽ ഏപ്രിൽ വരെയുള്ള കാലയളവിൽ ഒമർ ലുലു സനിമയിൽ അവസരം നൽകാമെന്ന് ധരിപ്പിച്ചും സൗഹൃദം നടിച്ചും വിവിധ സ്ഥലങ്ങളിൽ വെച്ച് ബലാത്സംഗം ചെയ്തെന്നാണ് പരാതിയിൽ പറയുന്നത്.
