അരവിന്ദ് കേജ്രിവാളിന് തിരിച്ചടി; ജാമ്യം നീട്ടണമെന്ന ഹർജി സുപ്രീംകോടതി പരിഗണിച്ചില്ല
മദ്യനയ അഴിമതി കേസില്‍ ഡല്‍ഹി മുഖ്യമന്ത്രി അരവിന്ദ് കെജ്രിവാളിന് തിരിച്ചടി. ജാമ്യം നീട്ടിനല്‍കാനാകില്ലെന്ന് സുപ്രിംകോടതി വ്യക്തമാക്കിയതോടെ ജൂണ്‍ രണ്ടിന് തന്നെ കെജ്രിവാളിന് ജയിലില്‍ ഹാജരാകേണ്ടിവരും. ലോക്‌സഭാ തെരഞ്ഞെടുപ്പിന്റെ പ്രചാരണത്തിനായാണ് കഴിഞ്ഞ മാസം അരവിന്ദ് കെജ്രിവാളിന് സുപ്രിംകോടതി ജാമ്യം അനുവദിച്ചത്.
ജൂൺ 1 ന് അവസാനിക്കുന്ന ഇടക്കാല ജാമ്യം ആരോഗ്യപരമായ കാരണങ്ങളാൽ ഏഴ് ദിവസത്തേക്ക് നീട്ടണമെന്ന് കേജ്രിവാൾ ആവശ്യപ്പെട്ടിട്ടുണ്ട്. “വ്യക്തമല്ലാത്ത രീതിയിൽ വണ്ണം കുറയുന്നത് ജീവൻ അപകടപ്പെടുത്തുന്ന രോഗങ്ങളുടെ ലക്ഷണമാണ്. ജയിൽ അധികൃതരുടെ നിഷ്‌കളങ്കമായ പെരുമാറ്റമാണ് എൻ്റെ ആരോഗ്യസ്ഥിതിക്ക് ഒരു പരിധിവരെ കാരണം. ആരോഗ്യ സങ്കീർണതകൾ നീക്കുന്നതിനായി ഒരു ആഴ്‌ച ജാമ്യം നീട്ടി നൽകണമെന്ന്കേജ്രിവാൾ തൻ്റെ ജാമ്യാപേക്ഷയിൽ പറഞ്ഞു.
