ഹിസ്ബുള്ള തലവൻ കൊല്ലപ്പെട്ടു

ബെയ്റൂട്ട്:
ഇസ്രയേൽ ആക്രമണത്തിൽ ലബനൻ സായുധസംഘം ഹിസ്ബുള്ളയുടെ തലവൻ ഹസൻ നസറുള്ള (64) കൊല്ലപ്പെട്ടു. വെള്ളിയാഴ്ച വൈകിട്ട് ലബനൻ തലസ്ഥാനം ബെയ്റൂട്ടിലെ ദഹിയേയിൽ ഹിസ്ബുള്ള ആസ്ഥാനത്തേക്ക് നടത്തിയ വ്യോമാക്രമണത്തിൽ നസറുള്ള കൊല്ലപ്പെട്ടതായി ഇസ്രയേൽ സൈന്യം അറിയിച്ചിരുന്നു. ശനിയാഴ്ച ഹിസ്ബുള്ള ഔദ്യോഗികമായി സ്ഥിരീകരിച്ചു. ലബനനും പലസ്തീനും വേണ്ടിയുള്ള വിശുദ്ധ യുദ്ധം തുടരുമെന്ന് പ്രസ്താവനയിൽ അറിയിച്ചു. നസറുള്ള യുടെ വധത്തോടെ ഹിസ്ബുള്ളയുടെ പ്രധാന നേതാക്കളെല്ലാം കൊല്ലെപ്പെട്ടെന്നും എന്നാൽ ആക്രമണം അവസാനിക്കുന്നില്ലെന്നും ഇസ്രയേൽ സൈന്യം പ്രഖ്യാപിച്ചു. വർഷങ്ങൾ നീണ്ട നിരീക്ഷണത്തിനും പിന്തുടരലിനും ഒടുവിലാണ് നസറുള്ളയുടെ വധമെന്ന് ഇസ്രയേൽ സൈന്യം അറിയിച്ചു.