ആട് ജീവിതം മൂന്ന് ദിവസം കൊണ്ട് നേടിയത് 30 കോടി
മൂന്ന് ദിവസം കൊണ്ട് ബോക്സോഫീസിൽ വലിയൊരു തംരംഗം സൃഷ്ടിച്ചിരിക്കുകയാണ് ആട് ജീവിതം. വലിയ വിജയമാണ് ചിത്രം തീയ്യേറ്ററിൽ നേടി കൊണ്ടിരിക്കുന്നത്. ഇതുവരെയുള്ള കളക്ഷൻ നോക്കിയാൽ ചിത്രത്തിന് ലഭിച്ചിരിക്കുന്നത് 30 കോടിക്ക് മുകളിലാണ്.ഇന്ത്യ നെറ്റ് കളക്ഷനായി ചിത്രം നേടിയത് 21.6 കോടിയും, ഇന്ത്യ ഗ്രോസായി 15.95 കോടിയും ഓവര്‍സീസ്‌ കളക്ഷനായി 14.55 കോടിയും ചിത്രം നേടി കഴിഞ്ഞു.
ഹിന്ദിയിൽ നിന്ന് ചിത്രം ഇതുവരെ നേടിയത് 0.2 കോടിയോളം രൂപയാണ്. തമിഴിൽ നിന്നും ആദ്യ ദിനം 0.6 കോടിയും രണ്ടാം ദിനം 0.55 കോടിയും, മൂന്നാം ദിനം 0.55 കോടിയുമാണ് ചിത്രം നേടിയത്. തെലുഗിൽ നിന്നും ആദ്യ ദിനം 0.4 കോടിയും, 0.35 കോടിയും, 0.3 കോടിയും ചിത്രം നേടി. ആകെ തെലുഗിൽ നിന്നും ചിത്രം നേടിയത് 1.05 കോടിയാണ്, തമിഴിൽ നിന്നും 1.7 കോടിയും ചിത്രം നേടി. കന്നടയിൽ മാത്രമാണ് താരതമ്യേനെ കുറഞ്ഞ കളക്ഷൻ ഇത് 0.1 കോടിയാണ്.
