വയനാട് പുനരധിവസത്തിനായി ഭൂമി കണ്ടെത്തി സേവാഭാരതി
4.5 ഏക്കർ സ്ഥലം വാങ്ങി
വയനാട് : വയനാട് പുനരധിവസത്തിനായി ഭൂമി കണ്ടെത്തി സേവാഭാരതി. ദുരന്തത്തിൽ വീട് നഷ്ടപ്പെട്ടവർക്ക് പുതിയ വീടുകൾ നിർമ്മിച്ചു നൽകുന്നതിനായി കുപ്പാടി വില്ലേജിൽ നൂൽപ്പുഴ ശ്രീനിലയത്തിൽ എം. കെ മീനാക്ഷിയുടെയും മൂന്ന് മക്കളുടെയും ഉടമസ്ഥതയിലുണ്ടായിരുന്ന 4.5 ഏക്കർ സ്ഥലം സേവാഭാരതി വാങ്ങി. വൈത്തിരി താലൂക്കിലെ മൂപ്പയ്നാട് പഞ്ചായത്തിലാണ് ഈ സ്ഥലം സ്ഥിതിചെയ്യുന്നത്. സേവാഭാരതിയുടെ മുതിർന്ന കാര്യകർത്താക്കളുടെ സന്നിദ്ധ്യത്തിൽ തീറാധാരം എഴുതി രജിസ്റ്റർ ചെയ്തു. ദുരന്തം നടന്ന ദിവസം മുതൽ സേവാഭാരതിയുടെ ഓഫീസ് ദുരിത ബാധിതർക്കായ് പ്രവർത്തിച്ചു വരികയാണ്. സേവാഭാരതി പ്രവർത്തകർ ഗ്രാമവാസികളെ അവരുടെ താത്കാലിക വാസസ്ഥലങ്ങളിൽ നേരിട്ട് സന്ദർശിച്ച് അവരുടെ ദൈനംദിന ആവശ്യങ്ങൾ നിറവേറ്റുന്നുണ്ട്.
