തദ്ദേശഭരണ സമിതികളെ മുഖ്യമന്ത്രി അഭിസംബോധന ചെയ്യും
തിരുവനന്തപുരം:
സംസ്ഥാനത്തെ തദ്ദേശഭരണ സ്ഥാപന ഭരണാധികാരികളെ തിങ്കളാഴ്ച വൈകിട്ട് 3.30 ന് മുഖ്യമന്ത്രി പിണറായി വിജയൻ അഭിസംബോധന ചെയ്യും. പാലിയേറ്റീവ് പ്രവർത്തനം ഏകോപിപ്പിക്കാനും, മാലിന്യമുക്തനവകേരളം സാധ്യമാക്കാനും, അതിദാരിദ്ര്യ നിർമാർജന പ്രവർത്തനം ഊർജിതപ്പെടുത്താനുമാണ് യോഗം. മാർച്ച് 30 ഓടെ കേരളം സമ്പൂർണ ശുചിത്വ പ്രഖ്യാപനം നടത്തും. അയൽക്കൂട്ടങ്ങൾ, ടൂറിസം കേന്ദ്രങ്ങൾ, ഗ്രാമം, നഗരം, ഓഫീസുകൾ, വിദ്യാഭ്യാസസ്ഥാപനങ്ങൾ എന്നിവയെല്ലാം ഹരിതാഭമാക്കുകയാണ് ലക്ഷ്യം. രോഗികൾ,വയോജനങ്ങൾ, ഭിന്നശേഷി ക്കാർ എന്നിങ്ങനെ എല്ലാവരും ഉൾക്കൊള്ളുന്ന എപിഎൽ, ബിപിഎൽ വ്യത്യാസമില്ലാത്ത പരിചരണമാണ് സർക്കാർ ഉദ്ദേശിക്കുന്നതു്. 2025 നവംബർ ഒന്നിനകം സംസ്ഥാനം അതിദാരിദ്ര്യമുക്ത പ്രഖ്യാപനം നടത്തും.
