പാലക്കാട് ഉപതെരഞ്ഞെടുപ്പ് 20ന്
ന്യൂഡൽഹി:
പാലക്കാട് നിയമസഭാ മണ്ഡലത്തിലെ ഉപതെരഞ്ഞെടുപ്പ് ഈ മാസം പതിമൂന്നിൽ നിന്ന് 20ലേക്ക് മാറ്റിയതായി കേന്ദ്ര തെരഞ്ഞെടുപ്പ് കമ്മീഷൻ. 13ന് കൽപ്പാത്തി രഥോത്സവം നടക്കുന്നതിനാലാണ് മാറ്റം. സിപിഐഎം അടക്കമുള്ള പാർട്ടികൾ തെരഞ്ഞെടുപ്പ് തീയതി മാറ്റണമെന്ന് കമ്മീഷനോട് ആവശ്യപ്പെട്ടിരുന്നു. പാലക്കാടിനൊപ്പം രാജ്യത്തെ 13 നിയമ സഭ മണ്ഡലങ്ങളിലെ തെരഞ്ഞെടുപ്പും മാറ്റി. യുപിയിലെ ഒമ്പതിടത്തും പഞ്ചാബിലെ നാലിടത്തുമാണ് തെരഞ്ഞെടുപ്പ് മാറ്റിയതു്. ചേലക്കരയിലെയും വയനാട്ടിലെയും വോട്ടെടുപ്പ് 13ന് നടക്കും. വോട്ടെണ്ണൽ 23നായിരിക്കും.
