കർഷകരെ കൂടെ നിർത്തണം: മധുര സ്വാമിനാഥൻ
ന്യൂഡൽഹി:
ഡോ.എം എസ് സ്വാമിനാഥനെ ആദരിക്കുന്നുവെങ്കിൽ കർഷകരെ കൂടെ നിർത്തണമെന്ന് അദ്ദേഹത്തിൽ മകൾ മധുര സ്വാമിനാഥൻ. രാജ്യത്തിന്റെ അന്ന ദാതാ ക്കളായ കർഷകരെ ക്രിമിനലുകളായി കാണരുതു്.ഇന്ത്യൻ ഹരിത വിപ്ലവത്തിന്റെ പിതാവെന്ന് വിശേഷിക്കപ്പെടുന്ന ഡോ.സ്വാമിനാഥന് ഭാരതരത്ന നൽകിയതിനെ തുടർന്ന് അദ്ദേഹത്തിന്റെ സ്മരണാർഥം ഇന്ത്യൻ കാർഷിക ഗവേഷണ ഇൻസ്റ്റിറ്റ്യൂട്ട് സംഘടിപ്പിച്ച ചടങ്ങിൽ സംസാരിക്കുകയായിരുന്നു അവർ. മിനിമം താങ്ങുവില ആവശ്യപ്പെട്ട് ഡൽഹിയിലേക്ക് മാർച്ച് ചെയ്ത കർഷകരെ ഹരിയാനയിൽ ബാരിക്കേഡ് സ്ഥാപിച്ച് തടയുന്നത് ചൂണ്ടിക്കാട്ടിയാണ് മധുര സ്വാമിനാഥൻ സംസാരിച്ചത്. കർഷകർക്കും സ്ത്രീകൾക്കും പ്രകൃതിയ്ക്കും അനുകൂലമായ നയം നടപ്പാക്കണമെന്ന് അവർ വാദിച്ചു.
