മലേഷ്യയിലേക്ക് എയർ ഏഷ്യ ബെർഹാദ്

തിരുവനന്തപുരം:
മലേഷ്യൻ തലസ്ഥാനമായ ക്വാലാലംപൂരിലേക്ക് തിരുവനന്തപുരത്ത് നിന്ന് പുതിയ വിമാന സർവീസ് തുടങ്ങുന്നു.എയർ ഏഷ്യ ബെർഹാദിന്റെ തിരുവനനന്തപുരം – ക്വാലാലംപൂർ സർവീസിന് ഫെബ്രുവരി 21 ന് തുടക്കമാകും.180 സീറ്റുള്ള എയർബസ് 320 വിമാനമാണ് ഉപയോഗിക്കുന്നത്. ചൊവ്വ, വ്യാഴം, ശനി, ഞായർ ദിവസങ്ങളിലാണ് സർവീസ്. രാത്രി 11.50 ന് എത്തുന്ന വിമാനം പുലർച്ചെ 12.25 ന് തിരുവനന്തപുരത്തു നിന്ന് മടങ്ങും. ഇതാദ്യമായാണ് എയർ ഏഷ്യ ബെർഹാദ് തിരുവനന്തപുരത്ത് നിന്ന് സർവീസ് നടത്തുന്നത്.ഇതോടെ തിരുവനന്തപുരത്തു നിന്ന് ഓസ്ട്രേലിയ, തായ്ലൻഡ്, സിംഗപ്പൂർ, ഇന്തോനേഷ്യ ഉൾപ്പെടെയുള്ള രാജ്യങ്ങളിലേക്ക് കണക്ടിവിറ്റി സൗകര്യമുണ്ടാകും.