സംസ്ഥാനത്ത് മഴ കനക്കുന്നു: ആറ് ജില്ലകളിൽ യെല്ലോ അലർട്ട്, തീരങ്ങളിൽ മത്സ്യബന്ധനത്തിന് വിലക്ക്

തിരുവനന്തപുരം:

കേരളത്തിൽ വരും ദിവസങ്ങളിലും ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. മധ്യ-വടക്കൻ ജില്ലകളിലാണ് കനത്ത മഴയ്ക്ക് കൂടുതൽ സാധ്യത കൽപ്പിക്കുന്നത്. ജാഗ്രതയുടെ ഭാഗമായി സംസ്ഥാനത്തെ ആറ് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്.

ലക്ഷദ്വീപ് തീരങ്ങളിലും കേരള തീരങ്ങളിലും ജൂൺ മൂന്ന് വരെ മത്സ്യബന്ധനത്തിന് പൂർണ്ണ വിലക്കേർപ്പെടുത്തിയിട്ടുണ്ട്. ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് അധികൃതർ അറിയിച്ചു. അടുത്ത നാല് ദിവസത്തിനുള്ളിൽ കാലവർഷം കേരള തീരത്തെത്തുമെന്നാണ് പ്രവചനം.

ഇന്ന് യെല്ലോ അലർട്ടുള്ള ജില്ലകൾ

മഴ ശക്തമാകാൻ സാധ്യതയുള്ളതിനാൽ താഴെ പറയുന്ന ജില്ലകളിലാണ് ഇന്ന് ജാഗ്രതാ നിർദ്ദേശം നൽകിയിരിക്കുന്നത്:

• കോട്ടയം
• എറണാകുളം
• ഇടുക്കി
• കോഴിക്കോട്
• വയനാട്
• കണ്ണൂർ

അടുത്ത മണിക്കൂറുകളിലെ കാലാവസ്ഥാ പ്രവചനം

കേന്ദ്ര കാലാവസ്ഥ വകുപ്പിന്റെ ഏറ്റവും പുതിയ അപ്ഡേറ്റ് പ്രകാരം അടുത്ത 3 മണിക്കൂറിൽ സംസ്ഥാനത്തെ വിവിധ ജില്ലകളിൽ പ്രതീക്ഷിക്കുന്ന കാലാവസ്ഥ താഴെ പറയുന്ന രീതിയിലാണ്:

മത്സ്യത്തൊഴിലാളികൾക്കുള്ള ജാഗ്രതാ നിർദ്ദേശം: കേരള – ലക്ഷദ്വീപ് തീരങ്ങളിൽ മണിക്കൂറിൽ ചില അവസരങ്ങളിൽ 55 മുതൽ 60 കിലോമീറ്റർ വരെ വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ ജൂൺ 3 വരെ ഒരു കാരണവശാലും കടലിൽ പോകാൻ പാടുള്ളതല്ല.