ഇന്നത്തെ ലോകവർത്തകൾ ചുരുക്കത്തിൽ
- ശ്രീലങ്കയിൽ ദിത്വ ചുഴലിക്കാറ്റ് കനത്ത നാശം വിതച്ചു: ചുഴലിക്കാറ്റിനെത്തുടർന്നുണ്ടായ മഴയിലും മണ്ണിടിച്ചിലിലും മരിച്ചവരുടെ എണ്ണം 80 കടന്നു. 23 പേരെ കാണാതാവുകയും പതിനായിരക്കണക്കിന് ആളുകൾ ദുരിതത്തിലാവുകയും ചെയ്തു. ഇന്ത്യയുടെ നാവികസേന സഹായവുമായി രംഗത്തുണ്ട്.
- ചൈനയിൽ ട്രെയിൻ അപകടം: യുനാൻ പ്രവിശ്യയിൽ പരീക്ഷണയോട്ടം നടത്തുകയായിരുന്ന ട്രെയിൻ ഇടിച്ച് 11 റെയിൽവേ ജീവനക്കാർ മരിച്ചു.
- യുക്രെയ്ൻ പ്രസിഡന്റിന്റെ ചീഫ് ഓഫ് സ്റ്റാഫ് രാജിവെച്ചു: അഴിമതി വിരുദ്ധ റെയ്ഡിനെ തുടർന്ന് വൊളോഡിമിർ സെലെൻസ്‌കിയുടെ ചീഫ് ഓഫ് സ്റ്റാഫ് ആൻഡ്രി യെർമാക് രാജിവെച്ചു.
- സിറിയയിൽ ഇസ്രായേൽ ആക്രമണം: ദക്ഷിണ സിറിയൻ ഗ്രാമത്തിൽ ഇസ്രായേൽ സേന നടത്തിയ ആക്രമണത്തിൽ 13 പേർ കൊല്ലപ്പെട്ടതായി റിപ്പോർട്ട്.
- ബ്രസീലിൽ കൊതുകുല്പാദനം: കൊതുകുജന്യ രോഗങ്ങൾ തടയുന്നതിനായി ബ്രസീൽ ആഴ്ചയിൽ 190 ദശലക്ഷം കൊതുകുകളെ ഉത്പാദിപ്പിക്കുന്നു.
- നോം ചോംസ്‌കി – ജെഫ്രി എപ്സ്റ്റീൻ ബന്ധം: ലൈംഗിക കുറ്റവാളിയായ ജെഫ്രി എപ്സ്റ്റീനും ചിന്തകനായ നോം ചോംസ്‌കിയും തമ്മിൽ അടുത്ത ബന്ധമുണ്ടായിരുന്നതായി രേഖകൾ പുറത്തുവിട്ടു.
- നൈജീരിയയിൽ വിദ്യാർത്ഥികളെ തട്ടിക്കൊണ്ടുപോയി: നൈജീരിയയിൽ 303 വിദ്യാർഥികളെയും 12 അധ്യാപകരെയും തട്ടിക്കൊണ്ടുപോയതായി റിപ്പോർട്ട്.
- ഗ്രെറ്റ തുൻബെർഗിനെ പുറത്താക്കി: പ്രതിഷേധത്തിന്റെ ഭാഗമായി ഗ്രാൻഡ് കനാലിൽ പച്ചച്ചായം ഒഴിച്ചതിന് ഗ്രെറ്റ തുൻബെർഗിനെ 2 ദിവസത്തേക്ക് വെനീസിൽ നിന്നും പുറത്താക്കി.
- ബ്രിട്ടനിലേക്ക് മയക്കുമരുന്ന് കടത്ത്: ബ്രിട്ടനിലേക്ക് ലഹരിവസ്തു കടത്തിയ കേസിൽ ഇന്ത്യൻ വംശജന് 10 വർഷം തടവ് ശിക്ഷ ലഭിച്ചു.
- പാക് അർദ്ധസൈനിക സേനാ ആസ്ഥാനത്തിന് നേരെ തീവ്രവാദി ആക്രമണം: പാകിസ്താനിലെ അർദ്ധസൈനിക സേനാ ആസ്ഥാനത്തിന് നേരെ തീവ്രവാദി ആക്രമണം ഉണ്ടായതായി റിപ്പോർട്ട്.
