ഇറാന്റെ ‘പിക്ആക്സ് മൗണ്ടൻ’ ഉടൻ ആക്രമിച്ചേക്കുമെന്ന് ട്രംപ്; ഏത് ഏറ്റുമുട്ടലിനും സജ്ജമെന്ന് ഇറാൻ
വാഷിംഗ്ടൺ:
ഇറാനിലെ അതീവ സുരക്ഷിതമായ ഭൂഗർഭ ആണവ കേന്ദ്രമായ ‘പിക്ആക്സ് മൗണ്ടൻ’ (Pickaxe Mountain) അതിവേഗം ആക്രമിച്ചേക്കുമെന്ന് യുഎസ് പ്രസിഡന്റ് ഡൊണാൾഡ് ട്രംപ്. ജൂലൈ പകുതിയോടെ ട്രംപ് നൽകിയ മുന്നറിയിപ്പാണ് ഇപ്പോൾ വീണ്ടും ആവർത്തിച്ചിരിക്കുന്നത്.
എന്നാൽ ഭീഷണി ഒഴിവായിട്ടില്ലെന്നും ഇപ്പോഴും എപ്പോഴും ഏത് തരത്തിലുള്ള ഏറ്റുമുട്ടലിനും തങ്ങൾ പൂർണ്ണ സജ്ജരാണെന്നും ഇറാന്റെ എയർ ഡിഫൻസ് കമാൻഡർ ബ്രിഗേഡിയർ ജനറൽ അലിറെസ ഇൽഹാമി വ്യക്തമാക്കി.
അതേസമയം, ഗാസയിലെ പ്രതിസന്ധിക്ക് പരിഹാരം ഫലസ്തീനികളെ ഒഴിപ്പിക്കലാണെന്ന ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്സിന്റെ പ്രസ്താവനയെ തള്ളി യുഎസ് രംഗത്തെത്തി. ഫലസ്തീനികളെ നാടുകടത്താനുള്ള ഒരു പദ്ധതിയെയും വാഷിംഗ്ടൺ പിന്തുണയ്ക്കില്ലെന്ന് യുഎസ് സ്റ്റേറ്റ് ഡിപ്പാർട്ട്മെന്റ് അറിയിച്ചു.
