സിഎംആർഎൽ-എക്സാലോജിക് കേസ്: സർക്കാരിനെതിരെ രൂക്ഷവിമർശനവുമായി രാജീവ് ചന്ദ്രശേഖർ
തിരുവനന്തപുരം:
സിഎംആർഎൽ-എക്സാലോജിക് സാമ്പത്തിക ഇടപാട് കേസിൽ ഇഡി (എൻഫോഴ്സ്മെന്റ് ഡയറക്ടറേറ്റ്) കൃത്യമായ നിർദ്ദേശം നൽകിയിട്ടും സംസ്ഥാന സർക്കാർ ഒരുവിധ നടപടിയും സ്വീകരിക്കുന്നില്ലെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ ആരോപിച്ചു. വിഷയത്തിൽ വ്യക്തമായ നിലപാട് പോലും പറയാൻ സർക്കാർ തയ്യാറാകുന്നില്ലെന്ന് അദ്ദേഹം മാധ്യമങ്ങളോട് പറഞ്ഞു.
പിണറായി വിജയനെ ജയിലിലാക്കുമെന്ന് തെരഞ്ഞെടുപ്പ് കാലത്ത് കോൺഗ്രസ് നേതാവ് രാഹുൽ ഗാന്ധി അടക്കമുള്ളവർ പ്രഖ്യാപിച്ചിരുന്നതാണ്. എന്നാൽ അധികാരത്തിലെത്തി ദിവസങ്ങൾ പിന്നിട്ടിട്ടും വിഷയത്തിൽ യാതൊരു നീക്കവും നടത്തുന്നില്ല. സംഭവത്തിൽ സിപിഎമ്മും കോൺഗ്രസും തമ്മിൽ പരസ്യമായ ഒത്തുകളിയാണുള്ളതെന്ന സംശയം ജനങ്ങളിൽ ശക്തമാണെന്നും രാജീവ് ചന്ദ്രശേഖർ കുറ്റപ്പെടുത്തി.
