യുഎസ് ആക്രമണത്തെ ചെറുക്കാൻ സജ്ജമെന്ന് ഇറാൻ; ന്യൂയോർക്കിൽ മധ്യസ്ഥരുമായി കൂടിക്കാഴ്ചയ്ക്ക് ഇറാനിയൻ വിദേശകാര്യ മന്ത്രി
ന്യൂയോർക്ക്: യുഎസിന്റെ ഭാഗത്തുനിന്നുണ്ടാകുന്ന ഏത് പുതിയ ആക്രമണങ്ങളെയും നേരിടാൻ രാജ്യം സജ്ജമാണെന്നും “ആത്യന്തിക യുദ്ധത്തിന്” (Apocalyptic War) പോരാടേണ്ടി വന്നാലും പിന്തിരിയല്ലെന്നും ഇറാൻ വിദേശകാര്യ മന്ത്രി അബ്ബാസ് അരാഗ്ചി. എന്നാൽ, നയതന്ത്ര ചർച്ചകൾക്ക് ഇറാൻ ഇപ്പോഴും തുറന്ന മനസ് കാണിക്കുന്നുണ്ടെന്ന് അദ്ദേഹം വ്യക്തമാക്കി. ഇറാൻ വാർത്താ ഏജൻസിയായ ഐഎസ്എൻഎ (ISNA) നൽകുന്ന വിവരങ്ങൾ അനുസരിച്ച്, സമാധാന മധ്യസ്ഥരുമായി കൂടിക്കാഴ്ച നടത്തുന്നതിനായി അദ്ദേഹം ഇന്ന് ന്യൂയോർക്കിൽ എത്തും.
അതേസമയം, തെക്കൻ ഇറാന്റെ സമുദ്രതീരങ്ങളിൽ നിന്ന് ഇറാൻ സൈന്യം “ശത്രുക്കളെ” അറബിക്കടലിലേക്ക് തുരത്തിയെന്നും വൈകാതെ അവിടെനിന്നും അവരെ പൂർണ്ണമായി പുറത്താക്കുമെന്നും ഇറാന്റെ പരമോന്നത നേതാവ് മുജ്തബ ഖമേനി പ്രസ്താവിച്ചു. എന്നാൽ ഈ ആഴ്ച തന്നെ ഇറാനുമായി കൂടുതൽ ചർച്ചകൾ പ്രതീക്ഷിക്കുന്നുണ്ടെന്നും, യുഎസ് ഉടൻ തന്നെ ഈ യുദ്ധത്തിൽ വിജയം നേടുമെന്നും അമേരിക്കൻ പ്രസിഡന്റ് ഡൊണാൾഡ് ട്രംപ് പ്രതികരിച്ചു.
ഇതിനിടെ, ഇറാന് നേരെ ആക്രമണം നടത്താൻ അമേരിക്കൻ സൈന്യം ഉപയോഗിച്ച ബ്രിട്ടീഷ് എയർബേസിന് സമീപം സ്ഫോടകവസ്തുക്കളും ഭീകരവാദ കുറ്റങ്ങളും ആരോപിച്ച് അഞ്ച് യുകെ പൗരന്മാരെ അറസ്റ്റ് ചെയ്യുകയും പിന്നീട് ജാമ്യത്തിൽ വിട്ടയക്കുകയും ചെയ്തു. എന്നാൽ ഈ സംഭവവുമായി തങ്ങൾക്ക് യാതൊരു ബന്ധവുമില്ലെന്ന് ഇറാൻ വ്യക്തമാക്കി.
