ജനറൽ ആശുപത്രി റോഡിലെ കയ്യേറ്റങ്ങൾ ഒഴിപ്പിക്കണം: ബിജെപി
തൊടുപുഴ:
ജനറൽ ആശുപത്രി റോഡിലെ അനധികൃത കയ്യേറ്റങ്ങൾ യാതൊരു കാരണവശാലും അനുവദിക്കില്ലെന്നും റോഡിന്റെ യഥാർത്ഥ വീതി പൂർണ്ണമായി തിരിച്ചുപിടിക്കണമെന്നും ബിജെപി മണ്ഡലം – മുനിസിപ്പൽ കമ്മിറ്റികൾ ആവശ്യപ്പെട്ടു. റോഡിന്റെ അതിർത്തികൾ അടിയന്തരമായി അളന്നുതിരിച്ച് കയ്യേറ്റങ്ങൾ പൂർണ്ണമായും ഒഴിപ്പിക്കാൻ പൊതുമരാമത്ത് വകുപ്പ് അധികൃതർ അടിയന്തര നടപടി സ്വീകരിക്കണമെന്ന് യോഗം പ്രമേയത്തിലൂടെ ആവശ്യപ്പെട്ടു.
ബിജെപി മണ്ഡലം പ്രസിഡന്റ് ജി. അനീഷ് യോഗം ഉദ്ഘാടനം ചെയ്തു. വൈസ് പ്രസിഡന്റ് മനോജ് മാഞ്ചേരി ചടങ്ങിൽ അധ്യക്ഷത വഹിച്ചു.
മുനിസിപ്പൽ കമ്മിറ്റി പ്രസിഡന്റ് സണ്ണി കുറിപ്പിയാൽ, ജനറൽ സെക്രട്ടറി സുനിൽ പഴയവീട്, നേതാക്കളായ ജിജോ മൂടയിൽ, പി. സുനീഷ്, എം.ആർ. ബിനു എന്നിവർ യോഗത്തിൽ സംസാരിച്ചു.
