ചാവക്കാട് പൊന്നാനി ദേശീയപാതയിൽ ടയർ പൊട്ടി ലോറി മറിഞ്ഞു; ഡ്രൈവർ അത്ഭുതകരമായി രക്ഷപ്പെട്ടു
പൊന്നാനി: ചാവക്കാട് പൊന്നാനി ദേശീയപാതയിൽ വെളിയങ്കോട് ചെറിയ പള്ളിക്ക് സമീപം മത്സ്യം കയറ്റി വന്ന ലോറി മറിഞ്ഞു. ടയർ പൊട്ടി നിയന്ത്രണം വിട്ടതിനെ തുടർന്നാണ് അപകടമുണ്ടായത്. മംഗലാപുരത്തുനിന്നും ആലപ്പുഴയിലേക്ക് മത്സ്യം കയറ്റി പോകുകയായിരുന്ന ലോറിയാണ് അപകടത്തിൽപ്പെട്ടത്.
അപകടത്തിൽ ലോറിക്ക് കേടുപാടുകൾ സംഭവിച്ചെങ്കിലും ഡ്രൈവർ പരിക്കേൽക്കാതെ അത്ഭുതകരമായി രക്ഷപ്പെട്ടു. അപകടത്തെ തുടർന്ന് പാതയിൽ കുറച്ചു സമയം ഗതാഗത തടസ്സമുണ്ടായി.
