യു.എസിൽ അമ്മയെയും സഹോദരനെയും വധിച്ച കേസിൽ 17-കാരനായ ഇന്ത്യൻ വംശജൻ അറസ്റ്റിൽ
മാസച്യൂസെറ്റ്സ്:
അമേരിക്കയിലെ മാസച്യൂസെറ്റ്സിലെ ആക്ടണിൽ അമ്മയെയും 14-കാരനായ ഇളയ സഹോദരനെയും ദാരുണമായി കൊലപ്പെടുത്തിയ കേസിൽ 17-കാരനായ ഇന്ത്യൻ വംശജനെ പൊലീസും പ്രോസിക്യൂഷനും പ്രതിചേർത്തു. 45-കാരിയായ സുധ വെങ്കിടേശൻ, ഇവരുടെ മകൻ സിദ്ധാർത്ഥ് അരവിന്ദ് എന്നിവരാണ് കൊല്ലപ്പെട്ടത്.
പ്രതിക്കെതിരെ രണ്ട് കൊലപാതക കുറ്റങ്ങൾക്ക് പുറമെ, കുടുംബാംഗങ്ങൾക്ക് നേരെയുള്ള അക്രമം, വാഹനം അനുമതിയില്ലാതെ ഉപയോഗിക്കൽ, മോഷണം എന്നീ വകുപ്പുകൾ ചുമത്തിയിട്ടുണ്ട്. വീട്ടിൽ വെച്ച് ഇരുവരെയും ക്രൂരമായി ആക്രമിച്ചാണ് കൊലപ്പെടുത്തിയത്.
കൃത്യം നടത്തുന്നതിന് മുൻപ് പ്രതി ഇന്റർനെറ്റിൽ കുടുംബാംഗങ്ങളെ എങ്ങനെ കൊലപ്പെടുത്താം എന്നതിനെക്കുറിച്ച് തിരച്ചിൽ നടത്തിയിരുന്നതായി അന്വേഷണസംഘം കണ്ടെത്തി. കേസിൽ പോലീസ് കൂടുതൽ അന്വേഷണം നടത്തിവരികയാണ്.
