കേരളത്തിൽ യുഡിഎഫ് തരംഗം; എക്സിറ്റ് പോൾ ഫലങ്ങൾ പുറത്ത്

തിരുവനന്തപുരം:

കേരള നിയമസഭാ തിരഞ്ഞെടുപ്പിന്റെ എക്സിറ്റ് പോൾ ഫലങ്ങൾ പുറത്തുവരുമ്പോൾ സംസ്ഥാനത്ത് യുഡിഎഫിന് ഭരണസാധ്യത പ്രവചിച്ച് പ്രമുഖ സർവ്വേ ഏജൻസികൾ. ടൈംസ് നൗ, പീപ്പിൾസ് പൾസ്, ആക്സിസ് മൈ ഇന്ത്യ തുടങ്ങി ഭൂരിഭാഗം എക്സിറ്റ് പോളുകളും യുഡിഎഫിന് വ്യക്തമായ മുൻതൂക്കം നൽകുന്നു.

പീപ്പിൾസ് പൾസ് സർവ്വേ പ്രകാരം യുഡിഎഫ് 75 മുതൽ 85 സീറ്റുകൾ വരെ നേടി അധികാരം പിടിച്ചെടുക്കാൻ സാധ്യതയുണ്ട്. ആക്സിസ് മൈ ഇന്ത്യ യുഡിഎഫിന് 78 മുതൽ 90 സീറ്റുകൾ വരെയാണ് പ്രവചിക്കുന്നത്. അതേസമയം, നിലവിലെ ഭരണകക്ഷിയായ എൽഡിഎഫ് 50 മുതൽ 65 സീറ്റുകൾക്കിടയിൽ ഒതുങ്ങുമെന്നാണ് മിക്ക സർവ്വേകളും സൂചിപ്പിക്കുന്നത്. എൻഡിഎയ്ക്ക് 0 മുതൽ 7 സീറ്റുകൾ വരെ ലഭിക്കാമെന്നും പ്രവചനമുണ്ട്.

വിവിധ ഏജൻസികളുടെ സീറ്റ് നില താഴെ പറയുന്ന രീതിയിലാണ്:

• ആക്സിസ് മൈ ഇന്ത്യ: യുഡിഎഫ് (78-90), എൽഡിഎഫ് (49-62), എൻഡിഎ (0-3)
• പീപ്പിൾസ് പൾസ്: യുഡിഎഫ് (75-85), എൽഡിഎഫ് (55-65), എൻഡിഎ (0-3)
• ടൈംസ് നൗ: യുഡിഎഫ് (72-84), എൽഡിഎഫ് (55-61), എൻഡിഎ (3-7)
• പി മാർക്ക്: യുഡിഎഫ് (71-79), എൽഡിഎഫ് (62-69), എൻഡിഎ (1-4)

ഭൂരിഭാഗം പ്രവചനങ്ങളും യുഡിഎഫിന് അനുകൂലമാണെങ്കിലും, ഇഞ്ചോടിഞ്ച് പോരാട്ടം നടന്ന മണ്ഡലങ്ങളിലെ ഫലങ്ങൾ നിർണ്ണായകമാകും. വോട്ടെണ്ണൽ പൂർത്തിയാകുമ്പോൾ മാത്രമേ യഥാർത്ഥ ചിത്രം വ്യക്തമാകൂ എങ്കിലും എക്സിറ്റ് പോൾ ഫലങ്ങൾ യുഡിഎഫ് ക്യാമ്പുകളിൽ വലിയ ആവേശം സൃഷ്ടിച്ചിട്ടുണ്ട്.